منتديات بنوتة مصرية المنتدى الرسمى لمحبى الرئيس مبارك



 
الرئيسيةمكتبة الصورالتسجيلدخول

شاطر | 
 

 عندى موضوع نفسى الاقى حد يفهمنى فيه ويحس بيا

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
سلمى
مـصـرواى عـلى قـد حـالـه
مـصـرواى عـلى قـد حـالـه
avatar

انثى
عدد المشاركات : 10
العمر : 29
تاريخ التسجيل : 03/04/2010
العمل : ف مجال السياحه
نقاط : 16
التقييم : 0

مُساهمةموضوع: عندى موضوع نفسى الاقى حد يفهمنى فيه ويحس بيا   السبت أبريل 03, 2010 5:06 pm

مساء الخير يا جماعه ..
انا سلمى .عضوه جديده معاكم هنا ف منتدى بنوته مصريه ..
ويارب اكون مش تقيله عليكم
انا عندى موضع كده بس كل ما اخد راى حد من اصحابى اللى اعرفهم او حد قريب منى يقولى لا ودا غلط ودا وهم.
طبعا انتم عايزين تعرفو ايه الموضوع
هقلكم

انا خلصت دراستى ومعايا مؤهل عالى بس تصورو ان طول فتره دراستى معرفتش شاب ولا عمرى كلمت اى ولد
مش عارفه دا صح ولا غلط انى محتكش باى شاب من الجنس الاخر
بس انا من صغرى طبيعتى كده .. بنكسف اوى
المهم كان مليش اى علاقه باى ولد يعنى حتى سلام عليكم او صباح الخير ومساء الخير دى مكنتش بقولها لحتى جيرانى
ودا خلانى معرفش لا احب ولا اتحب
ويوم ماكان بيعجبنى حد من الجامعه وكده كنت بلاقى نفسى خايفه وتلاقينى متلخبطه ومش عارفه اعمل حاجه وف نفس الوقت بكون عايزه ابين للشخص دا اللى حسه بيه ..بس طبعا صعببب جدااااااا .
المهم عشان مطولش عليكم انا خلصت دراستى وانا زى ما انا
ورغم ان كان ليا اصحاب كتير عادى يعنى بيتعاملو معاهم وكده هما مش بيعضوا يعنى هههه
بس انا زى ما قلتلكم خجوله اوى
فلما خلصت دراستى لاقيت شغلانه كويسه المهم اشتغلت والحمد لله بس برضه حسه بفراغ فظييييييع ف حياتى وان حاجه مهمه نقصانى وكان بيتقدملى عرسان بس انا كان نفسى احب واتحب مش اتجوز جواز تقليدى وخاصه ان اللى كانو بيتقدمو ليا مش مناسبين لا تفكيرى ولا شخصيتى خالص ..فمكنتش برتبط اصلا .
ففيوم لاقيت نفسى بؤل طب لى انا بعمل كده انا لازم احتك بيهم واتعامل معاهم عادى يعنى هما مش هياكلونى وانى لازم اغير من طبعى دا وخاصه انى بعد ما اشتغلت طبيعه شغلى بتخلينى اتعامل معاهم كتير .ودا ساعدنى اكتر
المهم ف اوقات الفراغ كنت بدخل ع النت وكده واتعرف على اصحاب جداد اسلى نفسى يعنى وافضفض معاهم وكده المهم اتعرفت على واحد من فتره وشوفنا بعض وارتحنا لبعض اووى لدرجه اننا حبينا بعض
بس انا مش عارفه هل دا صح ؟؟؟؟؟هل ممكن فعلا يحصل دا ؟؟؟؟؟؟؟؟؟؟؟؟؟انا نفسى وبدعى كل يوم ف صلاتى انه يكون دا بجد ومش وهم او حلم عشان انا نفسى بجد اعيش الحلم دا


فياريت تقلولى رايكم ف كلامى دا بس ياريت تحطو نفسكم مكانى قبل اى راى


سورى طولت عليكم[ندعوك للتسجيل في المنتدى أو التعريف بنفسك لمعاينة هذه الصورة]
بس ياريت تفيدونى برايكم [ندعوك للتسجيل في المنتدى أو التعريف بنفسك لمعاينة هذه الصورة] [ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
shosho227
غفير منتدى بنوتة روشة
غفير منتدى بنوتة روشة
avatar

انثى
عدد المشاركات : 196
العمر : 27
تاريخ التسجيل : 04/02/2010
العمل : طالبه
نقاط : 436
التقييم : 0

مُساهمةموضوع: رد: عندى موضوع نفسى الاقى حد يفهمنى فيه ويحس بيا   الإثنين أبريل 05, 2010 6:27 pm

[ندعوك للتسجيل في المنتدى أو التعريف بنفسك لمعاينة هذه الصورة]



[ندعوك للتسجيل في المنتدى أو التعريف بنفسك لمعاينة هذه الصورة]




اهلا بيكي ياسلمي ونورتي المنتدي



اولا الموضوع اللي انتي حكيتي عنو مهم جدا وفي بنات زيك كتير

مش بيحبو يتكلمو مع شباب كتير او الاختلاط بيهم وده مش حاجه وحشه اوي

بس لازم البنت تخلي بلها من معملتها مع اي شخص لان ممكن تكوني انتي بتتعملي بطبعتك عادي

بس ده بيتفهم غلط واظن انتي عارفه الحاجات اللي بتحصل من وراء الموضوع ده

وبالنسبه لحبك الجديد اتمني ان يكون انسان صادق ولازم بردو تخلي بالك

وانا رايء ان ده عادي وبيحصل كتير مع ناس وبينجح

واتمني لكي حياه سعيده دائما


اختك شيماء


[ندعوك للتسجيل في المنتدى أو التعريف بنفسك لمعاينة هذه الصورة]

ــــــــــــــــــــــــــــــــــــــ التوقيع ـــــــــــــــــــــــــــــــــــ

إذا كان الامس قد ضاع فبين يديك اليوم
واذا كان اليوم سوف يجمع أوراقه
ويرحل فلديك الغد
..لاتحزن على الأمس فهو لن يعود
ولاتأسف على اليوم فهو راحل
واحلم بشمس مضيئة في
غد جميل
الرجوع الى أعلى الصفحة اذهب الى الأسفل
 
عندى موضوع نفسى الاقى حد يفهمنى فيه ويحس بيا
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات بنوتة مصرية المنتدى الرسمى لمحبى الرئيس مبارك :: منتديات الاسرة والمجتمع :: ღ شباب و صبايا ღ :: ღ مشكلتك واحنا نحلها ღ-
انتقل الى: