بسم الله الرحمن الرحيم
اخوانى واخواتى اعضاء منتديات بنوتة مصرية
لا يمر علينا يوم الا ونتعلم فيه شىء
اما درس اخلاقى او تربوى او دينى
ولاننا اسرة واحدة فانا عملت الموضوع دا
فكرة الموضوع
ان كل واحد /واحده هيدخل ويكتب اتعلم ايه النهاردة
[size=25]ربنا علمنى ايه النهاردة؟
دى كلمه قالها الداعيه مصطفى حسنى فى واحد من برامجه "ربنا علمنى ايه النهاردة"
كان بيقول لو كل واحد لما يصحى الصبح من النوم يفكر ويقول يا ترى ربنا هايعلمنى ايه النهاردة
فعلا ده صح ربنا بيعلمنا حاجات جديدة كل يوم فكروا كده[/size]
لما تبقى خايف من الامتحانات وميت فى جلدك من الرعب ومش شايف قدامك وانت ماشى وخلاص شويه وقلبك ها يقف وعلى غير العادة تلاقى الحكاية كده ربنا مسهلها والمواصلات عسل تركب وتنزل ولا تستنى تاكسي يرضى يوديك الجامعه تلاقيه كده يقول لك اركب ولا تستنى مواصلة ولا غيره كله ماشي وربنا مسهلها فتعرف ان ربنا بيطمنك وبيريح قلبك
زى مثلا اجى اقلب قى مرة الاقى عمرو خالد على قناة النجاح بيقول ربنا بيحبك وعايزك تتوب مادام سمعت الكلام ده دلوقتى ناس كتير بتتفرج عالتليفزيون بس ربنا قدر لك انك تسمع الكلام ده انك تقلب بالصدفه وتلاقيني بقول الكلام ده وهو صادق فعلا الحكاية جايه صدفه اشمعنى ما سمعتش الكلام ده قبل كده اشمعنا مع ان الحلقه دى قديمه من خمس سنين يعنى كان ممكن اسمعها اى وقت اشمعنا لما عصيت ربنا سمعتها دلوقتى يبقى فعلا ربنا عايزنى اتوب
لما جيت اقلب مرة صدفه ولقيت مصطفى حسني بيتكلم عن نعيم القبر ويقول مادام انت قاعد تسمعنا دلوقتى يبقى ربنا عايز يرحمك يبقى ربنا عايز يهديك يبقى ربنا عايز يغفر لك عايزك تتوب مادام ربنا خلاك تسمع الكلام ده دلوقتى يبقى ربنا لسه ما طردكش من رحمته عايزك ترجع له
ربنا علمنى ايه النهاردة؟
سؤال جميل لو كل واحد وهو ماشى في الشارع ساله لنفسه هيلاقى ربنا رحيم بيوريك مظاهر رحمته هايلاقى ربنا صبور اوى وصابر عليك
قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لَا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعاً إِنَّهُ هُوَ الْغَفُورُ الرَّحِيمُ [الزمر : 53]
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ـ
كل القلوب الي الحبيب تميل..ومعي بهذا شاهد ودليل
أما الدليل اذا ذكرت محمدا..صارت دموع العارفين تسيل
هذا رسول الله نبراس الهدي..هذا لكل العالمين رسول
_____________________________]
موضوع: "أتعلمت ايه النهارده؟؟ 
السبت يونيو 13, 2009 1:33 am
